بأمارة أيه فى تغيير ؟!

بأمارة أيه فى تغيير ؟!
................................
لما السيسى يبقي الكبير....لما الحرامي يبقي الغفير...
لما السفاح يبقي الوزير...........بأمارة اية فية تغيير ؟!

لما الشيطان يبقي الضمير.....لما الفلول ترجع تدير.......
لما الفقير يفضل فقير............بأمارة اية فية تغيير ؟!

لما الكبار ياخدوا الفلوس.....لما النظام يرجع يدوس....
.لما عكاشة يرجع يبوس.........بأمارة اية فية تغيير ؟!

لما القاضي يبقي ديب ....... لما القانون يفضل يغيب.....
لما الجروح ترفض تطيب..........بأمارة اية فية تغيير ؟!

لما الطريق يبقى ضباب......لما الأمل يبقى سراب..........
لما الحمل تكله الذئاب...........بأمارة اية فية تغيير ؟!

لما المساجد تتحرق............... لما كلامى يتخنق.
لما الأمانى تتسرق...............بأمارة اية فية تغيير ؟!

لما الفتن تبدأ تشيع ............. لما السفيه يرجع يذيع
والناس وراه زى القطيع.............بأمارة اية فية تغيير ؟!

لما القانون يبقى كفيف.......لما الشيطان يبقى حليف
لما مبارك يبقى شريف..........بأمارة ايه فى تغيير ؟